Inguma ziurtagiria

Inguma ziurtagiria datu-basean katalogatutako egileen produkzio zientifiko-kulturala jasotzen duen dokumentua da. Egile jakin bati buruzko datuak jasotzen ditu ziurtagiriaren eskaera egiten den unean bilduta ditugun datuei eta datu-basean erabilitako sailkapen- eta katalogazio-irizpideei jarraituz.

Nork eska dezake

Euskal Komunitate Zientifikoaren datu-basean, Inguman, produkzioa katalogatuta duen edozein egilek eska dezake bere euskarazko ekoizpen zientifiko-kulturalaren gaineko ziurtagiria.

Zer eduki du dokumentuak?

Eskaera egiten den unean datu-basean katalogatuta dagoen produkzioari buruzko datuekin osatzen da. Hau da, eskaera egiten den unean barneratuta dugun informazioa du oinarri dokumentuak.

Produkzioaren gaineko honako datuak azaltzen dira ziurtagirian:

  • Egilearen datuak
  • Produkzioaren izenburua.
  • Produktu mota: artikulua, liburua, itzulpena, liburu atala... eta abar.
  • Argiratu duen erakundea.
  • Argitaratze data.

Nola eskatu dokumentua?

Azalpen-testu honen azpian bilaketa-laukia aurkituko duzu. Idatzi egilearen izena eta abizenak laukian eta egilearen fitxara eramango zaitu. Bertan "Ziurtagiria eskatu" aukera ikusiko duzu, klik egin eta jarraitu prozesua.

Egilearekin kontaktuan jartzeko datuak ez badaude datu-basean erregistratuta, egilea ez da bilaketan agertuko. Kasu horretan jarri kontaktuan gurekin, egilearen erregistroa eguneratzeko.

Bestelako xehetasunak:

Informazio berria katalogatzen dugu urtean zehar datu-basean, beraz, datu berriak sartu ahala informazioa eransten zaio egileen produkzioari.

Erabilera desegokia:

Ziurtagiri-eskaera egin ondoren, ziurtagiriaren eskatzaileari (datu-basean egile gisa erregistratuta egon behar du) igorriko zaio agiria bere helbide elektronikora PDF formatuan. Eskatzaileak behar beste dokumentu eska ditzake bere beharren arabera.

Gogoan izan ziurtagiriaren eskatzaileak eta jasotzaileak pertsona bera izan behar dutela. Horrela ez bada, erabilera desegokitzat hartuko da eskaera eta UEU ez da erabilera horren erantzule izango, erabiltzailea baizik. Era berean, UEUk ez dio erantzungo delako ziurtagiriaren erabileran sor litezkeen inongo ondorio, min edota kalteri; salbu eta bere eskumenaren erabilera hertsian errespetatu behar diren legezko xedapenak aplikatzearen ondoriozko jardueren kasuan.

Erabiltzailea zaren heinean, hemen azaldutakoa ulertu eta borondatez onartu duzula ulertuko dugu ziurtagiri-eskaera jasotzean.

Zalantzak argitzeko:

Edozein zalantza izanez gero, idatzi honako helbidera: inguma@ueu.eus eta lehenbailehen erantzungo dizugu.