Euskarazko Doktorego Tesien datu-basea (EDTdb)
Zer da Tesiker egitasmoa?
Tesiker, euskaraz egindako dokumentazio akademiko-unibertsitarioaren argitalpen digitala eta kontsulta publikoa ahalbidetzeko proiektua da. 2007an hasi zuen egitasmoa UEUk eta Eusko Jaurlaritzaren Hizkuntza Politikarako Sailburuordetzarekin (HPS) finkatu zen, honek datu-base publiko bat eta gordailua mantentzeko konpromisoa hartu zuenean: Euskarazko Doktorego tesien datu-basean (EDTdb).
Tesikerren Doktorego-tesiak lantzen dira, unibertsitatean doktore gradua eskuratzeko prestatzen diren berariazko dokumentuak.
Euskaraz prestatutako doktorego-tesien argitalpen digitala egiteko dauden arrazoiak eta helburuak honakoak dira:
-
Euskaraz egindako produkzioa indartzea.
-
Komunitate zientifiko euskalduna trinkotzea eta sustatzea.
-
Internet euskarazko eduki zientifiko unibertsitarioekin hornitzea.
-
Ikerkuntza unibertsitarioen emaitza ezagutaraztea.
-
Jakintza arloz arloko ereduak eskaintzea horretan gaur dihardutenei.
-
Euskararen garapen terminologikoa bultzatzea.
-
Egileen curriculumak sustatzea.
-
Tesien egileei aukera ematea beren lanaren erreferentzialtasuna eta agerikotasuna handitzeko.
-
Euskaraz egindako produkzio zientifikoaren ekoizpen euskarriak estandarizatu eta mundu mailakoen parean jartzea.
-
Argitalpen elektronikoak bultzatzea, baita liburutegi digitalak ere.
-
Euskarazko corpus digitala handitzea.
Orain arte, ezezaguna izan da unibertsitate desberdinetan euskaraz aurkeztutako tesiak zenbat eta zeintzuk ziren. Hau da, bilduma osatzen zuten izenburu eta egile guztiak ia-ia anonimoak ziren.
Inguma datu-basea da Euskal Herriko bost unibertsitateetan euskaraz aurkeztutako tesien erreferentzi guztiak biltzen dituen informazio iturri publiko bakarra. Tesiker honen garapena da.
Zein da Ingumaren egitekoa bertan?
UEUk, Inguma egitasmotik abiatuta, EDTdb hornitzen du tesien datu zuzen eta egiaztatuekin eta, tesi digitalizatuen kasuan (Digitalizazio Arloa), tesiaren argitalpen digitala kudeatzeaz ere arduratzen da.
Argitu behar da hasiera batean Tesiker egitasmoa euskarazko tesiak digitalizatu eta online eskuragarri jartzeko egitasmoa zela. Baina 2014tik aurrera, Unibertsitateek tesiak gordailu digital publikoetan eskaintzeko derrigortasuna dutenetik, Tesiker egitasmoan aldaketa ematen dela eta tesien datuak eta online eskuratzeko informazioa ere biltzen du. Kasu honetan tesiaren digitalizaziorik egin beharrik ez dagoelako. Beraz, bi adar sortzen dira: Digitalizazio Atala eta Metadatuen Atala.
