Inguma ziurtagiria, datu-basean katalogatuta dauden egileen produkzio zientifiko-kulturala jasota dakarren dokumentua da. Datu-basean erabilitako sailkapen eta katalogazio irizpideei jarraituz, egile jakin bati buruz ziurtagiri eskaera momentuan bilduta dugun datuei buruzko dokumentua da Inguma ziurtagiria.
Euskal Komunitate Zientifikoaren datu-basean, Inguman, produkzioa katalogatuta duen edozein egilek eska dezake bere euskarazko ekoizpen zientifiko-kulturalen gaineko ziurtagiria.
Ziurtagiria, eskaerako momentuan datu-basean katalogatuta dagoen produkzioari buruzko datuekin osatzen da. Hau da, eskaera momentuan barneratuta dugun informazioa du oinarri dokumentuak.
Produkzioaren gaineko honako datuak azaltzen dira ziurtagirian:
Azalpen testu honen azpian eskaera kutxatila aurkituko duzu. Sartu bertan egilearen izena eta abizenak eta egilearen fitxara eramango zaitu. Bertan "Ziurtagiria eskatu" aukera ikusiko duzu, klik egin bertan eta jarraitu prozesua.
Informazio berria katalogatzen dugu urtean zehar datu-basean, beraz, datu berriak sartu ahala informazioa eransten zaio egileen produkzioari.
Ziurtagiri eskera egin ondoren, ziurtagiri eskatzaileari (eta aldi berean datu-basean egile gisa erregistratuta egon behar duenari) igorriko zaio agiria bere helbide elektronikora PDF formatuan. Eskatzaileak behar beste dokumentu eska ditzake bere beharren arabera.
Gogoan izan, ziurtagiriaren eskatzailea eta honen jasotzailea pertsona bera izan behar direla. Horrela ez bada, erabilpen desegokitzat hartuak izango da eskaera eta UEU ez da erabilera honen erantzule izango, erabiltzailea baizik. Era berean, UEUk ez dio erantzungo delako ziurtagirien erabilpenean sor litezkeen inongo ondorio, min edo kalteri; bere aginpidearen erabilera zehatzean men egin beharreko legezko disposizioen aplikapenaren ondoriozko aktibitateak izan ezik.
Erabiltzailea zaren heinean, hemen azaldutakoa ulertu eta borondatez onartu duzula onartuko dugu ziurtagiri eskaera jasotzerakoan.
Edozein zalantza izanez gero, idatzi honako helbidera: inguma@ueu.eus eta lehenbailehen erantzungo dizugu.
Inguma
