Zer gara

Inguma Bizkaiko Foru Aldundiaren laguntzaz UEUk sortutako euskal komunitate zientifiko-intelektualaren datu-basea da. Bertan, azken 50 urteotan unibertsitate mailako zientzia eta jakintza-alor bakoitzean euskaraz ahoz eta idatziz ekoitzi denari buruzko oinarrizko informazioa eskaintzen da; euskaraz zer egin den eta nork egin duen azaltzen duen aipu laburra, alegia.

Ingumaren helburu nagusia euskara batuaren arauak finkatzen hasi zirenetik gaurdainoko euskal produkzio zientifiko-intelektual osoa (unibertsitatea mailakoa eta euskaraz) jasotzea izan da. Inguma, euskarazko produktu guztiak eta egile euskaldunak ezagutarazteko tresna azkar eta eraginkorra izateko asmoz sortu da.

Euskal ikasle, irakasle, ikertzaile eta profesionalek euskaraz ikasteko, irakasteko, ikertzeko eta lan egiteko tresna eraginkorra bihurtu da; erreferentziazko iturria goi mailako ekoizpena behar duen euskaldunarentzat.

Ekoizpen zientifikoa euskaraz badela erakutsiz euskararen prestigioan eragin du. Aldi berean, ekoizpen horren neurria eta indarra ezagutzeko tresna bihurtu da.

Erreferentziak, egileak eta erakundeak:

Inguma datu-base bizia da, etengabe eguneratzen eta zaintzen duguna. Egileek beren informazioa eguneratu eta hobetu dezakete, katalogatzaileekin mezu bidez zuzenean harremanetan jarrita. Erakundeek ere beren ekoizpenaren jarraipena egin dezakete, eta material berriak iradoki ditzakete Datu-base Batzordeak aintzat hartu eta datu-basean gehitzeko.

Inguman islatzen den informazioa kalitate-adierazle gisa aitortzen da Eusko Jaurlaritzako Unibertsitate-plangintzan (2015); hori dela eta, egileen euskarazko ekoizpena egiaztatzeko ziurtagiriak jaulkitzen ditu.

Erakunde mailan, egileen filiazioari lotutako ziurtagiriak ere jaulkitzen ditu. Filiazio-erakundeen ziurtagiriak jaulkitzeko adostasuna lortu da EAEko unibertsitateekin, eta erakundeen euskarazko ekoizpenaren adierazleak ematen ditu.

Edukiak eskuratzeko aukerak

Inguman biltzen dugun informazio guztia erabiltzaileen eskura jartzeko lanean ari gara. Dokumentuak, egileak eta erakundeak bilatzeko tresnak eskaintzen ditugu, baita emaitzak eskuratzeko baliabideak ere. Erabiltzaileek bilaketa sinplea nahiz aurreratua egin dezakete, eta bilaketen emaitzak inprimatu edo fitxategi batean deskargatu.

Erabiltzaileen beharren arabera, dokumentalistaren zerbitzua ere eskaintzen dugu. Zerbitzu honek bilaketa zehatzagoak edo informazio zabalagoa behar dutenentzat laguntza ematen du.

Zer dago Inguman une honetan?

Inguman mota ezberdinetako produktuan kontuan hartuz: ahozkoak eta idatzizkoak. Momentu honetan 48.253dokumentu eta 14.053 egile jasotzen dira,  220 erakunderen lanaren katalogazioan. Hauetatik  134 aldizkariren euskarazko artikuluak eta 61 argitaletxeren euskarazko liburuak. Hona hemen Inguman katalogatuak dauden erakundeen eta produkzioaren xehetasunak:

Idatzizko produkzioa:

Arikuluak: 18670

Kapituluak eta ponentziak: 6996

Liburuak: 2963

Itzulpenak: 960

Doktorego tesiak: 1104

Ahozko produkzioa:

Ikastaroak: 2489

Hitzaldiak: 9897

Irakasgaiak: 5081

Katalogatutako produkzioaren datu-gordinak Ingumako datuak atalean kontsutatu daitezke. Bertan katalogatutako produktuen zenbatekoak eta zenbaten kontsulta zuzenean egin daitekeen (edukia ikusi ere) azaltzen da.