INGUMAko datuak Wikidataren formatura egokituak. Linked Open Data
2000. urtean Inguma sortu zen, euskarazko ekoizpen zientifikoaren datu-basea. Hogei urte beranduago, beste urrats bat eman dugu, Inguma datuak Wikidata ezagutza-grafo librera eraman Inguma-Wikibase datu-basea sortuz eta hirukote semantikoetan oinarritutako datu-base eredua jarraituz.
Datu Lotu Irekiak (LOD, Linked Open Data) paradigman oinarritzen da Wikidata. Euskarazko ekoizpen zientifikoa mundu mailako ekoizpenaren testuinguruan erakutsi eta aztertzeko bidea zabaldu nahi da ekimen honen bitartez.
Datuen ikusgarritasuna handitu eta datuen analisi aurreratua egiteko baliabidea sortu nahi da: ikertzaileen profilak osatu, ekoizpenaren edukien deskribapena egin, eta bestelako zientziometria edo bibliometria lanak aurrera eraman.
